Politics
Yanzu-yanzu: Jam’iyyar APC A Gundumar Galadima Ta Kori Shugaban Jam’iyyar Na Jihar Alh Tukur Danfulani
DAGA YASIR SANI ABDULLAHI
Jam’iyyar APC a gundumar Galadima ta kori Shugaban Jam’iyyar na jiha, Alh. Tukur Danfulani daga Jam’iyyar gaba daya bisa ga wasu dalilai 3 da suka bayyana a cikin takardar sallamar tasa,
A ranar Asabar ne karamar hukumar karkashin jagorancin mataimakin shugabanta, Garba Bello, da wasu mutane goma sha biyar suka tsige shugaban na jihar bisa zargin rashin shugabanci nagari, da nuna wariya ga ‘ya’yan jam’iyyar da suka saba wa dokokin jam’iyyar APC.
Gwamnatin Kano Ta Biya Wa Ɗalibai 1,740 Kuɗin Makaranta A Jami’ar Ilimi Ta Sa’adatu Rimi
An kuma zarge shi da karkatar da ayyukan jam’iyyar zuwa ga wasu mutanen da ba shugabannin APC ba a jihar Zamfara.
Da yake zantawa da manema labarai a Gusau, babban birnin jihar Zamfara, mataimakin shugaban matasan unguwar Galadima, Abuhuraira Ilyasu, ya bayyana cewa 16 daga cikin 27 na yankin sun sanya hannu kan korar shugaban karamar hukumar.
“A madadin shugabannin jam’iyyar APC Galadima ward na karamar hukumar Gusau, muna nan a yau 11 ga watan Mayu 2024 domin tsige shugaban jam’iyyar APC na jihar Zamfara, Honorabul Tukur Danfulani saboda rashin shugabanci,” in ji Ilyasu.
“Muna da jerin sunayen dukkan shugabannin zartaswa da suka rattaba hannu kan tsige shugaban, muna da mambobi goma sha shida daga cikin 27 exos da ke gundumar Galadima.”
Ya yi kira ga hedikwatar jam’iyyar ta kasa da ta lura da matakin da suka dauka tare da nada shugaban riko na jam’iyyar a Zamfara wanda zai jagoranci jam’iyyar APC a jihar Arewa maso Yamma.
