News
Gwamnatin Kano Ta Kwato Motocin Tsaffin Kwamishinonin Da Suka Yi Murabus
Hukumar Karɓar Ƙorafe-ƙorafe da Yaƙi da Cin Hanci da Rashawa ta Jihar Kano ta fara aikin kwato motocin gwamnati da ke hannun wasu tsofaffin jami’an gwamnatin jihar, bayan zargin kin mayar da su duk da kammala wa’adin aikinsu.
Shugaban hukumar, Sa’idu Yahaya, ne ya jagoranci aikin a ranar Alhamis, 26 ga Fabrairu, 2026.
Sanata Barau Da Hadin Kan APC a Kano
Ya bayyana cewa tun da fari Ofishin Sakataren Gwamnatin Jihar Kano ya aika da wasiƙu ga tsofaffin jami’an da abin ya shafa, inda aka umarce su da su mayar da motocin gwamnati da ke hannunsu.
Sai dai, a cewarsa, wasu daga cikinsu ba su bi wannan umarni ba, lamarin da ya sa hukumar ta ɗauki matakin kwato motocin domin kare dukiyar al’umma da tabbatar da bin doka da oda.
Daga cikin tsofaffin kwamishinonin da aka kwato motocin a hannunsu akwai tsohon Kwamishinan Tsaro, Ibrahim Umar; tsohon Kwamishinan Matasa, Mustapha Rabiu Kwankwaso; tsohon Kwamishinan Kimiyya da Fasaha, Yusuf Ibrahim Kofar Mata; tsohon Kwamishinan Jin Kai, Adamu Aliyu Kibiya; da kuma tsohon Kwamishinan Ayyuka na Musamman, Nasiru Sule Garo.
Hukumar ta tabbatar da cewa za ta ci gaba da ɗaukar duk matakan da doka ta tanada wajen kare kadarorin gwamnati, tare da tabbatar da gaskiya da riƙon amana a harkokin tafiyar da mulki a Jihar Kano.
Ƴan Bindiga Sun Yi Garkuwa Da Ɗalibai A Hanyar Zuwa Jarrabawar JAMB
Bauchi: Dakarun Soji Sun Kai Samame Maboyar ‘Yan Bindiga, Sun Ceto Mata 6 Da Yara 13
NDLEA Ta Kama Ma’aurata Bisa Zargin Safarar Wiwi
Wata Likita Ta Riga Mu Gidan Gaskiya Bayan Ta Haifi Ƴan-Uku
KANO: Jami’an Ƴansanda Sun Cafke Matasa Biyu Bisa Zargin Damfarar Sama Da Mutum 500 Da Sunan Aljannu
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
