Mutane Biyu Sun Mutu, Ɗaya Ya Jikkata A Mummunan Taho Mu Gama Tsakanin Tireloli

Advertisements

Mutane biyu sun rasa rayukansu, yayin da mutum ɗaya ya jikkata bayan wasu tireloli biyu suka yi mummunan taho mu gama a kan titin Sagamu–Ikorodu Expressway da ke yankin Ogijo, a jihar Ogun.

‎Hukumar Kula da Bin Dokokin Zirga-zirga ta Jihar Ogun (TRACE) ta ce hatsarin ya faru ne da misalin ƙarfe 7:00 na safiyar Litinin a yankin Kadesh da ke kan hanyar zuwa Ogijo.

‎An Bukaci Kotu Ta Dakatar Da Takarar Shugaba Tinubu A 2027, A Bisa Zargin Ya Gabatar Da Shaidar Karatu Na Jabu

‎Kakakin hukumar, Babatunde Akinbiyi, ya bayyana cewa wani tirela ɗauke da ƙarafa ta yi karo da wata tirela da ke tsaye.

‎A cewarsa, mutane uku ne ke cikin tirelar da ta yi karo, inda yaron direba da jami’in rakiyar tirelar suka mutu nan take, yayin da direban ya samu raunuka.

‎Ya ce tirelar mai lambar rajista LND 936 XC ita ce ta haddasa hatsarin, yayin da ɗayan tirelar ya bar wurin kafin jami’an tsaro su samu damar gano cikakkun bayananta.

‎A wani hatsarin daban da ya faru a wannan rana, mutum biyu sun jikkata bayan wani tirela ɗauke da kayayyakin roba ta kife a yankin Car Park C da ke kan titin Lagos–Ibadan Expressway.

‎Rahotanni sun nuna cewa tayoyin gaban tirelar guda biyu sun fashe ne yayin da take tafiya, abin da ya sa direban ya rasa ikon tuƙi kafin tirelar ta kife.

‎Mutane uku ne ke cikin tirelar a lokacin hatsarin, inda biyu suka samu raunuka, yayin da babu wanda ya rasa ransa.

‎

PUNCH