News
Rundunar Yan Sanda Ta Kama Wani Matashi Da Laifin Sace Wata Kankanuwar Yarinya ‘Yar Shekara 4 A Kano
DAGA NUSIBA ABDULLAHI TUKUNTAWA
Rundunar ‘Yan-sandan Kano ta ce ta samu nasarar kama wani matashi mai suna Saifullahi Abba dan shekara 23 mazaunin unguwar kofar Fada a garin Wudil da ke jihar ta da zargin laifin sace wata kankanuwar yarinya ‘yar shekara 4 yayi garkuwa da ita.
Mai magana da yawun rundunar, SP Abdullahi Haruna Kiyawa ta cikin wata sanarwa da ya fitar ya kuma wallafa a shafinsa na Facebook, ya ce matashin ya sace kankanuwar yarinyar ce mai suna Nabila.
A cewar sanarwar tun farko mahaifin yarinyar mai suna Zulkiflu Abdullahi mazaunin kauyen Dakatsalle da ke yankin karamar hukumar Bebeji shi ne ya shigar da korafi ofishin ‘yan-sanda ya shaida cewa, an sace ‘yarsa’ ‘yar shekara 4 sannan wadanda suka saceta sun kirashi sun bukaci ya basu kudin fansa Naira miliyan 3.
Abdullahi Haruna Kiyawa ta cikin sanarwar dai ya ce bayan bincike da rundunar ta yi ta samu nasarar kama Saifullahi Abbaa kauyen Luran da ke karamar hukumar Dawakin kudu, inda daga nan ne ya kaisu inda ya boye yarinyar , kuma tuni yansanda sun ceto yarinyar har sun kaita asibiti an duba lafiyarta, kalau take.
Kano: Rasuwar Balarabe Nazeephy Ta Bar Babban Giɓi a Aikin Jarida
Tarauni 2027 : Yadda Hafizu Kawu Ya Daidaita Gasar Siyasa
MTN Ya Sanar Da Dakatar Da Tsarin Bayar Da Rancen Kati Da Data
Karo Da Tsuntsaye Ya Tilastawa Jiragen Sama Biyu Saukar Gaggawa A Abuja
Wani Mutum Ya Riga Mu Gidan Gaskiya Biyo Bayan Daɓa Masa Wuƙa Saboda Naira 200
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
