Ɗangote ya koma matsayi na biyu na  biloniyan da ya fi kowa ƙarfin arziki a Afrika.

DAGA MUHAMMAD MUHAMMAD ZAHRADDIN

A karon farko bayan shekaru 12 ya na jan ragamar mafi ƙasaitacciyar attajiran Afrika, Aliko Ɗangote a yanzu ya koma na biyu, yayin da shahararren attajirin Afrika ta Kudu, Johann Repert da iyalan sa suka haye matsayin na ɗaya mafi ƙarfin arziki a Afrika.

Sabon lissafi da ƙididdigar da mujallar Forbes ta gudanar kwanan nan, ta tabbatar cewa Rupert ne na 1 a Afrika, kuma shi ne na 201 a duniya. Shi kuwa Ɗangote ya koma na biyu a Afrika, a duniya kuma shi ne na 219.

Ya Kashe Limami Saboda Ya Hana Su Shan Wiwi A Kusa Da Masallaci A Kan

Aliko Ɗangote ya shafe shekaru 12 a jere a matsayin biloniyan da ya fi kowa ƙarfin arziki a Afrika.

Sai dai kuma a ƙarshen 2023 darajar Naira wadda ta ragu da kusan kashi 40 bisa 100 tun daga watan Yuni 2023, ta sa darajar ƙarfin arzikin Ɗangote ya ragu idan aka auna Dala da kuma Naira.

PREMIUM TIMES Hausa ta buga labarin cewa Naira ce sahun gaba na kuɗaɗen ƙasashen duniya mafi faɗuwar daraja a 2023.

Rahoton ya ce kuɗin ƙasar Labanon da na Argentina ne na ɗaya da na biyu wajen rashin daraja a duniya. Na ukun su ita ce Naira, a cikin kuɗaɗen ƙasashe 151 da Blooberg ta yi nazari kwanan nan.

Yanzu haka dai an ƙiyasta cewa darajar ƙarfin Ɗangote ya kai dala biliyan 9.5

Johann na Afrika ta Kudu wanda shi ne na ɗaya yanzu a Afrika, ƙasaitaccen mai sayar da kayan alatu da kayan ƙwalisa ne a duniya.

A wani labarin kuma Ya Kashe Limami Saboda Ya Hana Su Shan Wiwi A Kusa Da Masallaci A Kan

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu