News
CIKIN WATANNI SHIDA: Gwamnan Kano Abba Yusuf Ya Kashe Naira Biliyan 10 A Kayayyakin Ofishi A Daidai Lokacin Da Jihar Ke Fama Da Kalubalen Karancin Ruwan Sha
DAGA KABIRU BASIRU FULATAN
Yayin da kayan ofis da kayan aiki suka ci Naira biliyan 10.4, babban abin da aka kashe na samar da ruwan sha a Jihar Kano ya kai Naira biliyan 4.2 kacal a cikin watanni shida na farkon shekarar 2024.
Binciken da aka yi a kan takardun aikin kasafin kudin ya nuna cewa gwamnatin jihar Kano karkashin Gwamna Abba Kabir Yusuf ta kashe kudi naira biliyan 10 wajen sayen kayayyakin ofis cikin watanni shida na farkon shekarar 2024.
SAHARA REPORTS ta ruwaito cewa Jihar ta yi kasafin Naira biliyan 3.9 na kayan ofisoshi da kayan aiki na tsawon shekara ta 2024, sai dai kuma zuwa a kashi na biyu na shekarar, an riga an kashe Naira biliyan 10.4.
Yayin da kayan ofis da kayan aiki suka ci Naira biliyan 10.4, babban abin da aka kashe na Samar da ruwa ya kai Naira biliyan 4.2 kacal a cikin watanni shida na farkon shekarar 2024.
Kashe makudan kudaden raya karkara da al’umma ya kai Naira miliyan 179, an kashe Naira biliyan 2.5 wajen bangaren ilimi, Ilimi mai zurfi ya kai Naira miliyan 323.6, kudaden kashe kudaden kiwon lafiya ya kai Naira miliyan 959, gyaran asibitoci/ cibiyoyin lafiya Naira miliyan 1 da Biliyan 3, duk wadannan abubuwan da aka kashe sun yi kasa da kudaden da ake kashewa wajen sayen kayan ofis da kayan aiki.
A dunkule kudaden da wadannan ma’aikatun suka kashe sun kashe Naira biliyan 9.4 a cikin watanni shida, kasa da adadin Naira biliyan 10.4 da aka kashe wajen sayen kayayyakin ofis da kayan aiki.
Wannan ba da fifiko na kayan ofis da kayan aiki da gwamnatin jihar Kano ta yi, ya kuma zo ne a daidai lokacin da jihar ke fama da kalubalen ci gaba kamar tabarbarewar kiwon lafiya, karancin ruwan sha da dai sauransu.
Hakan kuma na zuwa ne a daidai lokacin da ake ta kiraye-kirayen a rage kashe kudade a harkokin mulki.
Makonni da suka gabata ne wata kungiyar Arewa mai suna Northern Patriotic Agenda (NPA) ta shawarci Gwamna Abba Yusuf da ya mayar da hankali kan yadda yake tafiyar da mulkin jihar tare da samar da ribar dimokuradiyya ga mazauna jihar.
Kungiyar ta kuma caccaki Gwamna Yusuf kan yadda ya yi watsi da ayyukansa na gwamna da kuma yin taka-tsan-tsan a siyasance, inda ya ci gaba da addabar al’ummar Kano.
Sai dai kuma gwamnatin jihar kano ta musanta cewa ta kashe naira biliyan 10 wajen siyan kayiyakin Ofis cikin watanni uku na farkon shekara ta 2024.
KANO: Kwamitin Binciken KNUPDA Ya Buɗe Karɓar Ƙorafe-Ƙorafe Da Shawarwarin Jama’a
Gwamnatin Kano Ta Ƙaddamar Da Sabon Shirin Wayar Da Kan Matasa Kan Rajistar Zaɓe
Jihar Kano Ce Ke Kan Gaba Wajen Yawan Masu Sabbin Rajistar Katin Zabe 441,845
Jam’iyyar NRM Ta Yi Barazanar Kai Karar Bashir Ibrahim Rogo Kotu Kan Ikirarin Shi Ne Ɗan Takarar Gwamnan Kano
KPCF Ta Yaba Wa Waiya Kan Inganta Hulɗar Gwamnati Da Jama’a A Kano
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
