Connect with us

Labarai

Gobara Ta Yi Ajalin Wasu Sabbin Ma’aurata A Filato

Published

on

Advertisements
WhatsApp Image 2026 11 04 at 12.03.38 AM

Wasu sabbin ma’aurata, Sikiru Habib da matarsa, Ramlat Lawan, sun rasu sakamakon gobarar da ta tashi a gidansu da ke Anguwan Miyango, Bukuru, ƙaramar hukumar Jos ta Kudu a Jihar Filato.

Lamarin ya faru ne da misalin ƙarfe 2:30 na daren Asabar, lokacin da ma’auratan ke barci a cikin ɗakinsu.

Shekaru 50 Da Kafuwa: Tsofaffin Ɗaliban GSS Dawakin Kudu Sun Ƙaddamar Da Littafin Tarihi Da Asusun Tallafi

Wani maƙwabcinsu, Injiniya Lawal Suleiman, ya shaida wa Daily Trust cewa an garzaya da ma’auratan asibiti bayan ceto su daga cikin ɗakin da gobarar ta kama.

Ya ce an samu matsala ne lokacin da ƙofar ɗakin ta ƙi buɗewa, lamarin da ya sa ma’auratan suka makale yayin da wutar ke ci gaba da yaɗuwa.

Suleiman ya ce matasa mazauna unguwar sun yi ƙoƙarin ceto su, inda daga bisani suka samu damar shiga ɗakin ta taga tare da fitar da su kafin jami’an kashe gobara su iso.

Advertisement

An kai ma’auratan Asibitin Koyarwa na Jami’ar Jos (JUTH) domin ba su kulawar gaggawa.

Sai dai ya ce an fara samun labarin rasuwar ango a ranar Lahadi, yayin da amaryar ta rasu a ranar Litinin.

Mazauna yankin sun yi zargin cewa tashin wutar na iya kasancewa sakamakon ƙarfin lantarkin da ya wuce kima, duk da cewa hukumomi ba su tabbatar da musabbabin gobarar ba.

Advertisements
Advertisement
Click to comment

Leave a Reply

Your email address will not be published. Required fields are marked *

Trending