Labarai
Layikan man fetur a gidajen mai za su ɓace nan ba da daɗewa ba — Kyari

Manajan Darakta na Kamfanin mai na Ƙasa, NNPC, Mele Kyari, ya bada tabbacin kawo ƙarshen layukan man da aka fara gani a gidajen mai a faɗin ƙasar nan.
Kyari ya bayyana haka ne a Abuja a jiya Talata lokacin da ya bayyana a gaban kwamitin wucin-gadi na majalisar wakilai kan halin da matatun man fetur su ka shiga.
Ya tabbatar da cewa a kwai isasshen man fetur a ƙasar nan da zai biyan buƙatun al’umma.
Kyari ya ce NNPC na da jimillar lita biliyan 2.8 ta man fetur a kasar nan wanda ya isa ya biya bukatun al’ummar kasar nan na kwanaki 47 masu zuwa ba tare da shigo da wani man daga ƙasashen waje ba.
Ya danganta matsalar karancin man fetur da a ka samu a kasar nan da hutun ranar ma’aikata da hutun sallah da a ka yi a ƙasar nan, inda ya ce masu dakon man duk sun ajiye motocinsu sun tafi hutu.
A cewarsa, “mun yi duk mai yiwuwa don kada mutane su samu layika a gidajen mai kuma nan ba da jimawa ba za a kammala aikin ɓatar da kayikan a gidajen mai,” in ji shi.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
