Labarai
Obasanjo Ya Yi Direban Keke Napep Na Yini Daya

Daga Khadija Abdullahi Mahmud
A ranar Asabar din nan ce tsohon Shugaban Kasa, Cif Olusegun Obasanjo ya yi direban babur mai kafa uku wanda ake kira Keke Napep a Jihar Ogun.
Daruruwan mutane maza da mata ne suka sha mamaki yayin da suka fito titi kallon tsohon shugaban kasar yana shawagin neman fasinja a babur din mai kafa uku a titunan Abeokuta, babban birnin jihar.
Abu biyar da sabon rahoton hauhawar farashi a Najeriya ya kunsa.
Wani mai daukar hoto dan Najeriya mazaunin Landan daga yankin Ijebu na Jihar Ogun, Daniel Olusanya ne ya wallafa hotunan tsohon shugaban kasa a shafinsa na Facebook.
Hotunan sun nuna yadda tsohon shugaban kasar rike da kan babur din mai kafa uku yana tuki tare da daukar fasinjoji a kan hanyar da ta taso daga gidansa zuwa Unguwar Kuto a garin na Abeokuta.
Wannan lamari dai ya burge daruruwan mutane a kan hanyoyin da Obasanjo ya ratsa yana tuka babur din mai kafa uku.
Wata majiya ta shaida wa Aminiya cewa, tsohon shugaban kasar wanda a watan jiya na Yuni ya bayar da kyautar babura masu kafa uku ga mutane 85 a garin Abeokuta, ta ce ya yi hakan ne domin nuna murnarsa ga zagayowar watan wanda a cikinsa ne ya cika shekaru 85 da haihuwa.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
