Labarai
Buhari ya yafewa Joshua Dariye, Jolly Nyame, da wasu fursunoni 157

Daga maryam Bashir musa
Majalisar kolin kasa (masu mulki da tsaffin shugabanni) ta yafewa tsohon gwamnan jihar Taraba, Jolly Nyame da tsohon gwamnan Plateau, Joshua Dariye, dake garkame a kurkuku bisa laifukan satar dukiyar al’umma.
Gwamnonin biyu na cikin fursunoni 159 da majalisar ta yafewa karkashin jagorancin Shugaba Muhammadu Buhari ranar Alhamis a birnin tarayya Abuja.
Daga cikin wadanda aka yafewa tsohon soja da minista lokacin Abacha, Tajudeen Olanrewaju; Laftanan Kanar Akiyode, da dukkan Sojojin da aka daure kan laifin hannun cikin yunkurin juyin mulkin Gideon Orkar a 1990.
A cewar wata majiya daga fadar shugaban kasa, an yafewa tsaffin gwamnonin biyu ne bisa lafiya da yawan shekarunsu.
Jolly Nyame, wanda tsohon gwamnan Taraba ne tsakanin 1999 da 2007, na zaman shekaru 12 da kotu ta yanke masa a Kurkukun Kuje kan laifin almundahanar dukiyar jama’a.
Shi kuma Joshua Dariya, wanda tsohon Gwamnan Plateau ne tsakanin 1999 da 2007, na zaman kurkuku ne kan laifin satan N2bn na kudin jama’arsa.
Kotu ta yanke masa hukunci a Yunin 2018, lokacin yana ofis matsayin Sanata mai wakiltan Plateau ta tsakiya.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
