Labarai
2023: Ba za mu yadda da gurbin mataimakin shugaban ƙasa ba — Igbo

Daga khadija Abdullahi muhmd
Ƙungiyar Ohaneze Ndigbo ta ce ɓangaren inyamirai ba za su yadda a basu gurbin mataimakin shugaban ƙasa a takarar zaɓen 2023 ba.
Ta yi wannan iƙirarin ne a yau Alhamis ta bakin Shugaban ta, Farfesa George Obiozor a taron Imeobi Ohaneze Ndigbo a Enugu.
Ya ce yaƙin neman yankin inyamirai su samu shugaban ƙasa wani yaƙi ne da idan a ka yi masa kallo ma tsanaki za a ga cewa ya dace.
A cewar sa, duk wani batu da kace-nace da a ke yi a kan batun shiyya a na yi ne da niyyar a daƙile ɓangaren inyamirai.
“Sabo da haka ina kira ga duk wasu ƴan takarar shugaban ƙasa daga wannan yankin da su dage, su jajirce su kuma saka imani a zuciyar su.
Obiozor ya kuma bayyana cewa Kwamitin Makomar Siyasar ya kin zai gana da duk wasu masu faɗa a ji a ƙasar nan domin shawo kansu su yarda da dalilan da su ka sanya su ke kiraye-kirayen a baiwa inyamirai mulkin ƙasar nan.
Ya kuma yi kira ga duk wani inyamiri da ya bada goyon baya wajen wannnan yaƙin neman zaɓen.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
