Labarai
Kungiyoyi kare hakki na bincike kan zargin kisa a zaɓen fitar da gwanin APC a Kano

Daga Muhammad Muhammad zahraddin
Hukumar kare hakkin bil adama ta kasa da haɗin gwiwar kungiyoyin farar-hula a Kano sun kaddamar da kwamitin bincike kan zargin kisan mutane uku a zaɓen fidda gwanin da APC ta gudanar a Kano.
Hajjin 2022: Mun tanadar wa alhazan mu masaukai kusa da Harami – Gwamnatin Katsina
Jaridar Daily Trust ta Najeriya ta rawaito yadda wani mai takarar gwamna a inuwar jam’iyyar APC, Sha’aban Sharada, ya zargi cewa an kashe magoya bayansa da jikkata da dama a lokacin zaɓen fitar da gwani da aka gudanar ranar Alhamis.
Kwamitin mutane 11 da aka naɗa karkashin jagoranci, Shehu Abdullahi na hukumar kare hakkin bil’adama da Ibrahim Waiya na ƙungiyar farar-hula a Kano.
Waiya ya ce ana saran kwaimitin ya gabatar da rahoton da ya tattara nan da mako uku domin gaggauta bincike.
Sannan an samu wata gamayar kungiyoyin farar-hula a Kano da su ma suka bukaci a soke zaɓen fitar da gwani na APC kan zargin tafka kura-kurai da aringizo.
Mataimakin gwamnan Kano, Nasiru Yusuf Gawuna ne dai ya lashe zaɓen bayan doke abokin takararsa Sha’aban Ibrahim Sharada.
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
