Sigari na kashe sama da Ƴan Najeriya 30,000 a duk shekara – WHO

Daga kabiru basiru fulatan 

Wakilin Majalisar Ɗinkin Duniya a Najeriya, Walter Mulombo ya bayyana cewa sama da Yan Najeriya 30,000 ne suke mutuwa a duk shekara sakamakon cututtukan da ke da alaƙa da shan taba sigari.

Ƴan sandan Najeriya sun kama mutum uku kan zargin sace fasto

Ya bayyana haka ne a Abuja a yayin wani taro da aka shirya na yaƙi da shan taba, kamar yadda Jaridar Daily Trust a Najeriya ta ruwaito.

Mista Mulombo ya ce mutanen da taba sigari ke kashewa ya zarta na waɗanda korona ta kashe a Najeriya inda ya ce taba na kashe mutum ne a hankali.