News
Shugaban mulkin soja na Chadi ya nada tsohon shugaban ‘yan adawa na kasar a matsayin Firaiminista.
DAGA YASIR SANI ABDULLAHI
Shugaban mulkin soja na Chadi Mahamat Idriss Deby Itno a ranar Litinin ya nada tsohon shugaban ‘yan adawa na kasar a matsayin Firaiminista.
An nada Mista Succes Masra a matsayin firaiminista jim kadan bayan dawowarsa daga gudun hijirar da ya yi.
Mista Masra wanda shi ne shugaban Jam’iyyar Transformers, ya kasance dan adawa tun zamanin Marigayi Idriss Déby, sai dai ya koma Chadi a watan Nuwamba bayan ya cimma matsaya da shugabannin mulkin sojin kasar.
Nadin sabon firaiministan na zuwa ne mako guda bayan an amince da sabon kundin tsarin mulki a kasar ta Chadi bayan an gudanar da zaben raba gardama kan hakan.
‘Yan adawa sun ta sukar zaben inda suka rinka cewa wannan wata hanya ce ta sharar fage ga shugaban mulkin sojin kasar Janar Mahamat Idriss Deby Itno domin zama shugaban kasar.
Kuri’ar raba gardamar da aka gudanar wani muhimmin mataki ne na mayar da mulki ga farar hula kafin karshen shekarar 2024, kamar yadda shugabannin sojin kasar suka yi alkwari.
Kotu Ta Umarci A Ƙwace Kadarorin Naira Biliyan 212.8 Da Aka Alaƙanta Da Tsohon AGF, Abubakar Malami
Shugaba Tinubu Ya Amince Da Ware Naira Biliyan 3.6 Domin Tallafa Wa Masu Sana’ar Ɗinki
Hisbah Ta Haramta Sana’ar Tura Fina-finai Da Waƙoƙi A Kano
“Boka Ne Ya Umarce Ni Na Kashe Ƙanwar Mahaifina Da ’Ya’yanta Shida” — Umar Auwalu A Kotu
Zaɓen 2027: Kungiyoyin Fararen Hula Sun Bukaci Dakatar Da Gangamin Siyasa A Kano
Akwai Yiwuwar Ƙara Kuɗin Kiran Waya Da Aika Saƙo A Najeriya
Farashin Fetur Na Iya Sauka Zuwa Naira 900 Kan Kowace Lita —Masana
An Kama Mutum Takwas Saboda Yada Labaran Karya A Najeriya
Jami’an Ƴansanda Sun Kama Wani Mutum Da Wayoyin Sata Guda 36
