News
Shekaru Hudu Da Rasuwar Fitaccen Malamin Hadisi, Sheikh Dr. Ahmad Ibrahim Bamba
A yau laraba, 7 ga watan Janairu, cikar shekaru huɗu kenan da rasuwar shahararren malamin addinin Musulunci kuma masani a fannin Hadisi, Sheikh Dr. Ahmad Ibrahim Bamba.
Marigayi Sheikh Dr. Ahmad Ibrahim Bamba ya rasu ne a ranar 7 ga Janairu, 2022, bayan gajeriyar rashin lafiya, inda ya kwashe kwana ɗaya a Asibitin Koyarwa na Malam Aminu Kano (AKTH) kafin Allah Ya karɓi rayuwarsa.
Sheikh Ahmad Bamba ya yi fice sosai a fagen koyar da ilimin Hadisi. A baya ya shafe shekaru yana karantarwa a Masallacin Jami’ar Bayero Kano (BUK), kafin daga bisani ya kafa nasa cibiyar ilimi mai suna Darul Hadis, wadda ta zama matattarar karatun Hadisi ga ɗalibai daga sassa daban-daban na Nijeriya da ma ƙasashen waje.
Marigayin ya kasance malami mai zurfin ilimi da kuma kwarewa ta musamman a fannin Hadisi, inda manyan malamai da ɗalibai da dama a faɗin duniya suka amfana da karatunsa da tarbiyyarsa. An san shi da tsantsar riko da Sunnah, tawali’u da jajircewa wajen yaɗa ilimin addinin Musulunci.
A bangaren iyali, marigayi Sheikh Dr. Ahmad Ibrahim Bamba ya rasu ya bar mata biyu, tare da ’ya’ya da jikoki. Daga cikin ’ya’yansa akwai waɗanda suka gaji ilimi da kyawawan siffofinsa, tare da ci gaba da tafiya a tafarkin da mahaifinsu ya shimfiɗa na hidimar addinin Allah.
Rasuwar malamin ta girgiza al’ummar Musulmi, inda manyan malamai, shugabannin addini da jama’a daga sassa daban-daban suka bayyana alhininsu tare da yi masa addu’o’i.
A madadin daukacin ma’aikatan jaridar INDA RANKA, muna addu’ar Allah Maɗaukakin Sarki Ya gafarta masa kura-kuransa, Ya yalwata masa rahama, Ya kuma sanya Aljannar Firdausi ta zama makomarsa. Ameen.
Da Dumi-Dumi: Gwamnan Kano Ya Tura Da Sunan Murtala Sule Garo A Domin Tantance Shi A Matsayin mataimakinsa
Hon.sha’aban Ya Jaddada Janye Neman Takarar Sanatan Kaduna Ta Arewa, Tare Da Bayyana Goyon Duk Wanda Apc Ta Tsayar
An Samu Bullar Cutar Covid-19 A Najeriya Shekaru Bayan Duniya Ta Yi Fama Da Ita
Dakarun Sojin Sama Sun Hallaka Tarin ‘Yan-Ta’adda A Dajin Sambisa
Gwamantin Tarraya Ta Fitar Da Litar Man Jirgi Fiye Da Biliyan 1 Zuwa Turai Cikin Kwanaki 50
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
