Connect with us

Labarai

RAMADAN: Gwamnatin Kano Ta Nemi Haɗin Kan ’Yan Kasuwa Don Rage Tsadar Kayayyaki  ‎

Published

on

Advertisements
WhatsApp Image 2026 11 04 at 12.03.38 AM

Hukumar Karɓar Ƙorafe-ƙorafe da Yaƙi da Cin Hanci da Rashawa ta Jihar Kano ta gana da shugabannin manyan kasuwannin jihar, domin tattauna hanyoyin da za su taimaka wajen rage tsadar kayan masarufi a yayin watan azumin Ramadan.

‎Taron ya gudana ne ƙarƙashin jagorancin shugaban hukumar, Kwamared Sa’idu Yahaya, inda aka haɗa shugabannin kasuwannin Singer, Sabon Gari, Na’ibawa ’Yan Lemo, Dawanau, da Kasuwar Turawa ta ’Yan Kaba.

‎Ƙungiyar Ma’aikatan Lafiya Ta JOHESU Ta Dakatar Da Yajin Aikin Bayan Kwana 84

‎Da yake jawabi a wajen taron, Kwamared Sa’idu Yahaya ya ce an kira ganawar ne domin samun fahimta da haɗin kai da ’yan kasuwa, ta yadda za a sauƙaƙa wa jama’a samun kayan abinci da sauran muhimman kayayyaki a lokacin azumi.

‎Ya jaddada cewa hukumar na fatan ’yan kasuwa za su yi la’akari da halin da al’umma ke ciki, tare da kauce wa tashin farashi a wannan lokaci mai muhimmanci ga Musulmi.

‎A nasa ɓangaren, Shugaban Kasuwar Singer kuma Shugaban Shugabannin Kasuwannin Kano, Barista Junaidu Muhammad Zakari, ya ce ’yan kasuwa a shirye suke su ba da gudunmawa domin rage farashin kayayyakin yau da kullum, musamman a watan Ramadan.

Advertisement

‎Haka kuma, shugaban hukumar ya jajanta wa ’yan kasuwar Singer bisa gobarar da ta auku a kasuwar, inda ya yi addu’ar Allah Ya maye musu asarar da abin da ya fi alheri.

Advertisements
Advertisement
Click to comment

Leave a Reply

Your email address will not be published. Required fields are marked *

Trending