Jami’an NDLEA Sun Cafke Mutane Uku Masu Buƙata Ta Musamman Kan Zargin Safarar Miyagun Ƙwayoyi

‎ Jami’an Hukumar Hana Sha da Fataucin Miyagun Ƙwayoyi ta Ƙasa, NDLEA, sun  cafke wasu mutane uku Masu buƙata ta musamman bisa zargin safarar miyagun ƙwayoyi a jihohin Anambra da Kwara.

‎Mai magana da yawun hukumar, Femi Babafemi, ya bayyana cewa jami’an NDLEA sun kama wani dattijo mai shekaru 60 mai suna Romanus Nwabara a dajin Akpaka da ke Onitsha bayan samun bayanan sirri kan harkokinsa.

‎Rikici Kan Rabon N8,000 Ya Yi Sanadiyyar Mutuwar Wani Matashi

‎A cewarsa, an samu Nwabara da gram 250 na tabar wiwi da aka rarraba cikin ƙananan buhuna domin sayarwa.

‎Haka zalika, jami’an hukumar sun kai samame a yankin Ogbunike na jihar Anambra inda suka kama wani mai Masu buƙata ta musamman mai suna Amos Kenneth mai shekaru 25 da haihuwa.

‎Rahoton ya ce an same shi da gram 160.3 na ƙwayoyin Tramadol 225mg da 100mg, ƙwayoyin Diazepam guda 80, gram 38.23 na Exol 5 da kuma gram 176.93 na tabar wiwi.

‎A jihar Kwara kuwa, jami’an NDLEA sun kama wani mai Masu buƙata ta musamman mai suna Usman Salisu bayan sun tare wata motar haya a hanyar Bode Saadu.

‎An ce jami’an sun gano kilogram 6.3 na tabar wiwi da aka ɓoye a cikin wata jakar makaranta mai launin ruwan kasa mallakinsa.

‎NDLEA ta kuma ce ta ci gaba da shirye-shiryen wayar da kan jama’a kan illar shaye-shayen miyagun ƙwayoyi a makarantu, wuraren ibada da al’umma daban-daban a faɗin ƙasar.

STALLION TIMES