Babban Bankin Najeriya Yana Da Goyon Bayana Wajen Sauya Takardun Kudi, Inji Shugaba Buhari.

DAGA MUHAMMAD MUHAMMAD ZAHRADDIN 

Shugaban kasa Muhammadu Buhari ya ce matakin da babban bankin Najeriya CBN ya dauka na sauya fasalin takardun Naira ya samu goyon bayansa kuma yana da yakinin cewa al’ummar kasar nan za su ci riba mai yawa ta yin hakan.

Da yake magana a hirar da yayi da gidan talabijin na Tambari TV, Shugaba Buhari ya ce dalilan da babban bankin ya shi sun tabbatar masa da cewa tattalin arzikin kasar nan zai ci gajiyar raguwa hauhawar farashin kaya, jabun kudin da kuma yawan kuɗaɗen da ke yawo.

Wata mata ta kashe mijinta da guba a Borno

Shugaba Buhari ya ce ko kadan wa’adin watanni uku na canjin sabbin takardun kudi bai yi kadan ba.

“Mutanen da ke da kudaden haram da aka binne a karkashin kasa za su fuskanci kalubale da wannan amma ma’aikata, da ƴan kasuwa da ke da kudaden shiga ba za su fuskanci matsala ba.”

A cikin hirar, shugaba Buhari ya kuma yi tsokaci kan batutuwan da suka shafi samar da abinci da tsaron kasa da dai sauransu.