Labarai
Ba tilasta wa waɗanda a ke zargi da kisan Hanifa su amsa laifin su a kai ba — Kotu

Daga Muhammad Muhammad zahraddin
Babbar Kotun Jiha mai lamba 5, ƙarƙashin Mai Shari’a Usman Na-abba, ta yanke hukunci cewa iƙirarin da waɗanda a kae zargi da kisan Hanifa Abubakar su ka yi cewa jami’an tsaro ne su ka azabtar da su shi ya sa su ka amsa laifin, ba gaskiya ba ne.
Da ya ke yanke ƙwarya-ƙwaryan hukunci a kan hakan a yau Laraba, alƙalin kotun, Mai Shari’a Usman Na-abba ya ce bayanan da shaidu su ka bayar sun nuna cewa Abdulmalik Tanko, babban wanda a ke zargi da kisan Hanifa, da Hashimu Isyaku, wanda a ke zargi da sa hannu a kisan, ba tilasta musu a ka yi ba.
A cewar Na-abba, shaidun, waɗanda su ne jami’an da su ka yi bincike a kan laifin, sun yi wa Tanko da Isyaku tambayoyi ne a cikin ofisoshi kuma da mutane a cikin ofishin.
Ya ƙara da cewa ba bu wata hujja da Tanko ya bayar ta cewa an azabtar da shi, inda ya ce ya gaza fadin sunan ɗan sandan da ya ce ya mishi azaba, ya kuma kasa faɗin sunan na’urar da ya ce an riƙa ɗana masa a jikin sa.
A bisa haka ne Na-abba ya ce dukkan su wadanda a ke zargin, har da Fatima Jibrin, wacce ita dama ba ta de an dake ta ba, amma dai ta ce an tsorata ta, basu da hujjar cewa tilasta musu a ka yi su amsa laifin su.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
