Gwamnatin Kano Zata Kashe Sama Da Biliyan 61 Wajen Samar Da Ayyukan Raya Kasa ‎ ‎

Majalisar Zartarwa ta jihar Kano ta amince da kashe sama da Naira biliyan 61 domin aiwatar da ayyuka daban-daban da suka shafi ci gaban al’umma a fannoni da dama.

‎Sanarwar ta fito ne bayan zaman majalisar karo na 39 da aka gudanar a ranar Talata, 28 ga Afrilu, 2026, a Fadar Gwamnatin da ke Kano.

‎Maciji Ya Shiga Wandon Bature ‎

‎Kwamishinan Yada Labarai da Harkokin Cikin Gida, Ibrahim Abdullahi Waiya, ya bayyana wa manema labarai cewa an amince da jimillar Naira ₦61,630,882,501.98 domin ayyukan da suka shafi ilimi, lafiya, gine-gine, noma, muhalli da sauran bangarori.

‎Haka kuma a bangaren lafiya, an warea kudu domin gyaran asibitoci, yaki da cututtuka kamar shan inna, da samar da kayan kiwon lafiya ga mata da kananan yara.

‎A fannin ayyuka da ababen more rayuwa, majalisar ta amince da sake gina hanyoyi da dama ciki har da hanyar Panshekara zuwa Madobi, da kuma gyaran wasu muhimman gine-ginen gwamnati.

‎Bangaren noma ya samu kulawa ta musamman, inda aka amince da sayen taki mai yawa da kuma inganta ayyukan ban ruwa da cibiyoyin noma.

‎Haka zalika, a bangaren muhalli da albarkatun ruwa, gwamnatin ta amince da ayyukan kawata muhalli, gina rijiyoyin burtsatse, da kuma gyaran matatar ruwa ta Tamburawa.

‎A fannin tsare-tsaren birane kuwa, an amince da ayyukan sabunta birane, sanya sunayen tituna da lambobin gidaje, da kuma biyan diyya ga wasu ayyukan gine-gine.

‎A karshe, gwamnatin jihar ta ce wadannan shirye-shirye na daga cikin kokarinta na inganta rayuwar al’umma da bunkasa tattalin arzikin Kano, tare da alkawarin aiwatar da su cikin gaskiya da rikon amana.