ICPC za ta binciki gine-ginen da aka yi don ɓatar da haramtattun kuɗi

Hukumar yaki da cin hanci da rashawa ta ICPC, ta ce za ta ci gaba da gudanar da bincike kan wasu gine-gine da aka kammalasu amma ba kowa a cikinsu a wani mataki na magance matsalar hada-hadar haramtattun kudade.

Hukumar ta ce gwamnati na asarar bilyoyin daloli na haraji da ya kamata a karba na irin wadanan gine-ginen da aka yi watsi da su.