Dazu-dazu BBC ta sami rahoto cewa dakarun Ukraine sun harba wasu makamai kan wani babban jirgin ruwan yaki na Rasha mai suna Moskva.
To ma’aikatar tsaron Ukraine ta kara fitar da wani bayani, tana cewa jirgin ya fara nutsewa bayan da makaman Ukraine masu linzami samfurin Neptune suka lalata shi.
Sai dai Rasha ta musanta cewa Ukraine ce ta harbi jirgin ruwan, tana cewa gobara ce ta kama a sanadin wani hadari da ya auku a cikin jirgin.
Ta kuma ce tuni aka kashe gobarar kuma jirgin ruwan na kan hanyarsa ta komawa wata tashar jiragen ruwa a Rasha.
Ga wasu hotunan jirgin na Mosva, wanda ke cikin manyan jiragen yakin kasar da ta ke afahari da shi.
Copyright: Kremlin
Copyright: Russian defence Ministry
Copyright: Maxar Technologies
