News
An kama tsohon shugaban hukumar yaki da cin-hanci ta Kano, Muhuyi Rimingado
Daga kabiru basiru fulatan
Jami’an ‘yan sanda dauke da makamai sun cafke tsohon shugaban Hukumar Karɓar Ƙorafe-ƙorafe da Yaƙi da Cin-hanci da rashawa ta Jihar Kano, PCACC, Muhuyi Rimingado.
DAILY NIGERIAN ta jiyo cewa an kama Rimingado ne a masaukin Gwamnan Sokoto da ke Abuja, inda ya je a tantance shi a matsayin ɗan takarar gwamnan Kano na jam’iyyar PDP.
An jiyo cewa ƴan sandan sun tafi da Rimingado nan da nan bayan an tantance shi, inda su ka wuce da shi ofishin shelkwatar ƴan sanda ta Abuja.
Majiyoyi na tsaro sun ce za a wuce da shi Kano domin a gurfanar da shi a gaban kotu.
A ranar 28 ga watan Maris ne ƴan sanda su ka dira gidan Rimingado amma ba su samu nasarar kama shi ba.
A tuna cewa an dakatar da Rimingado ne a watan Yulin shekarar da ta gabata bayan buɗe bincike kan badaƙalar kuɗi da kuma aringizon kuɗaɗen kwangiloli da a ke zargin an baiwa wasu kamfanoni masu alaka da dangin gwamna.
Kotu Ta Umarci A Ƙwace Kadarorin Naira Biliyan 212.8 Da Aka Alaƙanta Da Tsohon AGF, Abubakar Malami
Shugaba Tinubu Ya Amince Da Ware Naira Biliyan 3.6 Domin Tallafa Wa Masu Sana’ar Ɗinki
Hisbah Ta Haramta Sana’ar Tura Fina-finai Da Waƙoƙi A Kano
“Boka Ne Ya Umarce Ni Na Kashe Ƙanwar Mahaifina Da ’Ya’yanta Shida” — Umar Auwalu A Kotu
Zaɓen 2027: Kungiyoyin Fararen Hula Sun Bukaci Dakatar Da Gangamin Siyasa A Kano
Akwai Yiwuwar Ƙara Kuɗin Kiran Waya Da Aika Saƙo A Najeriya
Farashin Fetur Na Iya Sauka Zuwa Naira 900 Kan Kowace Lita —Masana
An Kama Mutum Takwas Saboda Yada Labaran Karya A Najeriya
Jami’an Ƴansanda Sun Kama Wani Mutum Da Wayoyin Sata Guda 36
