Shekara 2 bayan hamɓare gwamnatinsa, tsohon shugaban ƙasar Mali, Boubacar Keita ya rasu

Daga Muhammad Muhammad zahraddin

Tsohon Shugaban Ƙasar Mali, Ibrahim Boubacar Keita ya rasu a yau da safe, in ji iyalin sa.

Keita ya rasu a babban birnin ƙasar, Bamako, inda ya rasu ya na da shekara 76.

Keita dai ya hau mulkin ƙasar a shekarar 2013 har zuwa 2020 lokacin da sojoji su ka hamɓare gwamnatinsa.

Wata majiya daga iyalan mamacin ta ce Keita ya rasu a yau da misalin ƙarfe 9 na safe a asibiti.