Connect with us

Sports

Jose Peseiro ya ce shi ne ya ki karbar aikin kocin Najeriya

Published

on

Spread the love

Daga kabiru basiru fulatan

 

Jose Peseiro ya ce ya fasa karbar aikin horar da tawagar Super Eagles ta Najeriya ne bisa rashin jituwa da suka samu kan yadda kwantiraginsa zai kasance da kuma batun albashinsa.

Tsohon kocin na Sporting Lisbon da Porto, ya bayyana hakan ne a shafinsa na Instagram, kwana uku bayan hukumar kwallon kafa ta Najeriya, NFF, ta fitar da sanarwar cewa ta fasa daukar mai horarwa daga waje.

Advertisement

Kuma ta tabbatar da cewa kocin riko Agustine Eguavon zai ci gaba da jan ragamar tawagar tare da taimakom Emmanuel Amuneke.

Sai kuma ta sa Salisu Yusuf da Joseph Yobo a matsayin mataimaka na uku da kuma na hudu.

NFF ta kuma ce tana fatan za a ba su wadataccen lokaci ta yadda za su kawo sauyi a kungiyar ta Super Eagles.

Advertisement

A jiya Talata ne hukumar kwallon kafar ta Najeriya, NFF, ta sanar da ranar 27 ga watan Maris, a matsayin ranar da tawagar kasar, Super Eagles za ta kece raini da Ghana, a wasan neman gurbin zuwa gasar cin kofin duniya da za a yi a Qatar, a wannan shekara 2022.

Za a yi karon-battar, wanda zai kasance na biyu kuma na karshe a filin wasa na MKO Abiola da ke babban birnin Najeriyar, Abuja.

Za su fatata ne bayan tawagar Super Eagles din ta koma gida daga Ghana don buga zagayen farko, a filin wasa na Cape Coast, a tsakanin ranar Laraba, 23 ga watan Maris ko Alhamis 24 ga watan na Maris.

Advertisement

Advertisement
Click to comment

Leave a Reply

Your email address will not be published. Required fields are marked *