Labarai
Shugaba Buhari ya gana da Hafsoshin tsaro a kan harin jirgin kasa

Daga marysm bashir musa
Shugaba Buhari ya yi Allah wadai da harin bam da aka kai wa jirgin kasa da ke ɗauke da fasinja kusan 1000 a hanyar Abuja zuwa Kaduna, yana mai bayyana al’amarin a “matsayin wani abin damuwa matuka.”
A cikin sanarwar da fadar shugaban ta fitar, Buhari ya ce, “kamar sauran ‘yan Najeriya, ina cikin jimami matuƙa da faruwar wannan lamarin, wanda shi ne irinsa na biyu, wanda ya kai ga sanadin mutuwar fasinjojin da har yanzu ba a tantance adadinsu ba da kuma wasu da suka samu raunuka.”
“Harin da aka kai kan jirgin kasa, abin takaici ne; tunani na yana kan iyalan waɗanda suka rasu da kuma addu’a ga wadanda suka jikkata,” in ji Buhari.
Shugaban ya ce ya bayar da umarnin gaggawa na tabbatar da bincike da hanyoyin magance matsalar tsaron titin jigin ƙasa na Abuja zuwa Kaduna.
Sannan ya umarci jami’an tsaro su kuɓutar da fasinjojin da daka sace tare da farautar ƴan bindigar.
Bayanai sun nuna cewa kimanin mutum 1000 ne a cikin jirgin, wanda aka kai wa hari ranar Litinin da daddare.
Gwamnatin Jihar Kaduna ta tabbatar da cewa mutane 8 ne su ka rasa rayukansu, sannan 26 su ji raunuka a harin da ƴan ta’adda su ka kai wa jirgin ƙasa ƙirar AK9 a kan hanyar Abuja zuwa Kaduna.
Sanarwar da Kwamishinan Tsaro da Harkokin Cikin Gida na Kaduna, Samuel Aruwan ya fitar ta ce, hukumomin tsaro mlne su ka bada ƙididdigar ga gwamnatin Kaduna.
Ya ce Gwamnatin Kaduna ta samu cikakken kundin sunayen fasinjojin da ke kan jirgin da ga wajen Hukumar kula da Sufurin Jiragen Ƙasa ta Ƙasa, NRC.
Ya ce a kundin da gwamnatin ta samu, an nuna cewa fasinjoji 398 ne su ka sayi tikiti, amma 362 a ka tantance su kannau jirgin, inda ya ƙara da cewa kundin sunayen fasinjojin bai haɗa da na ma’aikatan jirgin da jami’an tsaron jirgin ba.
Ya ce a na ci gaba da bincike domin gano sauran fasinjojin da su ka hau jirgin amma ba a samu bayanan su ba.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai6 days ago
An Kashe Mutane 418, An Yi Garkuwa Da 227 Cikin Watanni Biyu A Nijeriya — Rundunar Ƴansanda
