Labarai
Ba zamu saurara wa masu cin abinci da rana a watan Ramadan ba — Hisbah

Hukumar Hisbah ta Jihar Kano ta ci alwashin saka kafar wando ɗaya da matasa Musulmai da su ke ƙin yin azumin watan Ramadan.
A wani sakon murya ta kafar WhatsApp da ya tura wa manema labarai a yau Asabar, Babban Kwamandan Hukumar, Muhammad Harun Ibn-Sina ya ce Hukumar ba za su saurara wa masu karya shari’ar Muslunci da gangan ba.
A cewar sa, duk wanda a ka samu musulmi ya na cin abinci da rana ba tare da wata larura ba to zai gamu da fushin Shari’a.
Ya kuma kara da cewa hukumar ba za ta zuwa ido ta ga a na aikata baɗala a watan Ramadan da ma bayan sa ta ƙyale ba, inda ya ce dole ne ta yi aikinta na horo da kyakkyawan aiki da kuma gani da mummuna.
Ibn-Sina ya kuma taya musulmai a faɗin jihar da ƙasa baki ɗaya murnar zagayowar wata mai alfarma, inda ya yi addu’ar Allah Ya karɓi ibadun Ya kuma kawo zaman lafiya da arziki a ƙasar nan.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai6 days ago
An Kashe Mutane 418, An Yi Garkuwa Da 227 Cikin Watanni Biyu A Nijeriya — Rundunar Ƴansanda
