Connect with us

Labarai

Mutum miliyan biyu zasu fara jin alat na Biliyan N20bn

Published

on

Advertisements
WhatsApp Image 2026 11 04 at 12.03.38 AM

Daga Muhammad Muhammad zahraddin

 

 

 

Gwamnatin tarayya tace zata fara raba wa yan Najeriya Naira Biliyan N20bn daga watan Yuni a tsarin tallafi karkashin shirin National Cash Transfer.

Bayanai sun nuna cewa gwamnatin zata biya yan Najeriya miliyan biyu N5,000 a shirin ‘Basic Cash Transfer’ da kuma ƙarin N5,000 a tsarin tallafawa talakawa.

Advertisement

Jimullar kudin da gwamnatin zata kashe biliyan N20bn ne kan mutanen da zasu amfana.

Wasu bayanai da suka fita a watan Maris, 2022 kan dabaru da kuma tsarin harkokin ma’aikatar jin ƙai da walwalar al’umma ya nuna cewa yan Najeriya dake amfana da shirin ƙara ƙaruwa suke.

Rahoton ya bayyana cewa a 2018, tsarin tallafin ya mamaye jihohi 18, daga bisani ya ƙara faɗaɗa zuwa jihohi 24 a 2019, kuma ya ƙarisa shiga baki ɗaya jihohi 36 da Abuja a 2022, ya haɗa mutum miliyan 1.6m.

Amma ministar jin ƙai da walwalar al’umma, Sadiya Umar Farouƙ, ta bayyana cewa adadin mutanen da zasu amfana da shirin zuwa watan Yuni zai ƙaru.

A karkashin shirin gwamnatin tarayyya na tallafawa talakawa da magidanta masu ƙaramin karfi duƙ wata.

Sadiya tace: “Zuwa watan Yuni, 2022 zamu fara biyan mutum miliyan biyu N5,000 da ƙarin N5 000 na Conditional Cash Transfer wanda zasu taimaka musu wajen kula da lafiya, biyan kuɗin makaranta da gyara muhallen su.”

Advertisement

Ministan ta kuma yi bayanin cewa ma’aikatarta ta kirkiri tsarin RRR Wanda ke ɗauko bayanan talakawan dake rayuwa a karkara musamman waɗan da kullen korona ya shafe su da hanyar kudin shigar su.

“Zuwa yau, mutum miliyan ɗaya da gwamnati ta nufa, mun biya N5,000 ga mutum 850,000 ta hanyar amfani da fasahar zamani wajen tura kuɗi, kuma sai da aka tantace kowane asusu kafin angiza kuɗin.”

“Zuwa ƙarshen watan Afrilu, za mu biya ragowar mutum 150,000. Kuma kowane mai cin gajiyar shirin zai samu kuɗin tallafi na tsawon wata shida.

Ma’aikatar jin ƙai da walwala ta ƙara da cewa tsarin shirin N-Power ya samar da aikin wucin gadi ga matasan da suka kammala karatu 498,602 a rukunin A da B, yayin da yanzu haka aka ɗauki mutum 450,000 a rukunin C-1.

Ta kara bayanin cewa yanzu haka akwai wasu 390,000 da aka fara shirin ɗauka a Rukunin C-2, duk a ƙarƙashin umarnin shugaban ƙasa na kara ɗaukar mutum miliyan ɗaya.

Advertisement
Advertisements
Advertisement
Click to comment

Leave a Reply

Your email address will not be published. Required fields are marked *

Trending