Labarai
Ɗan shekara 14 ya mutu a ruwa a Kano

Daga Suleiman ado Ahmad
Hukumar Kwana-kwana ta Jihar Kano ta tabbatar da rasuwar wani yaro ɗan shekara 14, Musa Sani a wani ruwa mai suna Rafin Mukugara da ke ƙauyen Kumbagawa a Ƙaramar Hukumar Karaye.
A wata sanarwa da kakakin hukumar, Saminu Abdullahi ya fitar a yau a Kano, ya ce lamarin ya faru a jiya Juma’a da safe.
Ya ce hukumar ta karɓi rahoto na gaggawa a ofishinta da ke Karaye da ga wani Abdulbaki Abubakar da misalin ƙarfe 8 na safe, inda ya ce nan take hukumar ta tura jami’an ta su ka je wajen da misalin ƙarfe 8:05.
Ya ce an fito da yaron da ga cikin ruwan cikin halin rai-kokwai-mutu-kokwai, inda da ga bisani a ka tabbatar da cewa ya rasu.
Abdullahi ya ƙara da cewa tuni a ka miƙa gawar mamacin ga Dagacin Karaye, Suraja Magaji.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai6 days ago
An Kashe Mutane 418, An Yi Garkuwa Da 227 Cikin Watanni Biyu A Nijeriya — Rundunar Ƴansanda
