Buhari ya tafi Daura domin halartar Babbar Sallah

Daga Muhammad Muhammad zahraddin

Shugaban Najeriya Muhammadu Buhari ya isa birnin Daura da ke Jihar Katsina domin yin bikin Babbar Sallah.

Shugaban kasar ya tafi mahaifarsa ne ranar Juma’a.

Nigeria PresidencyCopyright: Nigeria Presidency

Shugaba Buhari ya samu tarba daga Sarkin Daura Alhaji Faruk Umar Faruk da wasu sarakunan gargajiya.

Nigeria PresidencyCopyright: Nigeria Presidency

Buhari ya isa Daura ne kwanaki uku bayan wasu da ba a san ko su wane ne ba sun kai hari kan ayarin motocinsa a kusa da garin Dutsinma na Jihar Katsina.

An kai harin ne kan ayarin motocin da ke dauke da jami’an da ke yi wa shugaban hidima da kuma ‘yan jarida, a cewar sanarwar da fadar shugaban kasar ta fitar.

Sanarwar ta ce shugaban na Najeriya ba ya cikin ayarin motocin.