News
An daure mai goyon bayan Trump sama da shekara bakwai
DAGA KHADIJA ABDULLAHI MAHMUD
Kotu a Amurka ta daure dan wata kungiyar bata-gari daga jihar Texas, wanda aka same shi da laifin kutse a ginin Majalisar Dokokin Amurka, Capitol, sama da shekara bakwai a gidan yari.
Hukuncin nasa shi ne mafi tsawo da aka yi wa wani da ke da hannu a tarzomar da aka yi a ginin majalisar a shekarar da ta wuce, inda magoya bayan tsohon shugaban kasar Donald Trump suka kai hari a yunkurin sauya sakamakon zaben shugaban kasar.
Ana zargin ‘yan-sintiri da kashe malamin makarantar allo a Jihar Kano
Guy Reffitt ya kuma yi barazanar harbe ‘ya’yansa idan suka sake suka gaya wa hukumar binciken manyan laifuka ta kasar, FBI a game da shi.
Shedar bidiyo da aka duba ta nuna yadda Guy Reffitt yake jagorantar masu tarzomar su hau matattakalar benen daga wajen ginin, a wannan rana ta 6 ga watan Janairun 2021.
Mai shari’ar Dabney Friedrich ta ce kalaman Mista Reffitt da suka nuna yana son hambarar da majalisar abin tayar da hankali ne da ke da nasaba da shifcin gizo.
Haka kuma ta haramta masa alaka da kungiyoyin bata-gari tare da bayar da umarnin a yi masa maganin tabin hankali.
. BBC HAUSA
Gwamnonin Najeriya Sun Nemi Karin Karfin Iko A Tsarin Samar Da Yan Sandan Jihohi
Jamhuriyar Nijar Ta Miƙa Buƙatar Ficewa Daga Kotun Hukunta Manyan Laifuka Ta Duniya ICC
Iran Ta Ayyana Hutun Kwanaki Uku A Tehran Domin Jana’izar Ali Khamenei
Ba Wanda Ya Isa Yace Mana Ga Yadda Zamu Sarrafa Kudadenmu Da Amurka Ta Dagewa Takunkumi – Iran
IGP Disu Ya Haramta Wa Jami’an ’Ƴansanda Yin Harkoki A Soshiyal Midiya Ba Tare Da Izini Ba
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
