Ukraine ta yi ikirarin ƙwace ƙarin wurare daga dakarun Rasha

DAGA KABIRU BASIRU FULATAN 

Rundunar sojin Ukraine ta ce dakarunta sun ƙwace sama da murabba’in kilomita 3,000 a harin ramuwar gayya da suke kaiwa a gabashin Ukraine ɗin ga dakarun Rasha.

Idan hakan ta tabbata, lallai hakan na nufin dakarun na Kyiv su ninka wuraren da suka ƙwace sau uku a cikin kwana biyu kacal.

Hukumar Hadeja-Jama’are ta ƙaryata rahotannin ɓallewar dam ɗin Tiga

Ko ranar Alhamis da dare sai da Shugaba Zelensky na ƙasar ya ce an ƙwace murabba’in kilomita 1,000.

BBC dai daga ɓangarenta ba ta tabbatar da ikirarin gwamnatin Ukraine ba domin ba a bai wa ƴan jarida damar zuwa fagen daga ba.