Labarai
Ƴan daba sun shiga gidan kakakin majalisar wakilai ta Amurka, Pelosi tare da jikkata mijinta

DAGA MUHAMMAD MUHAMMAD ZAHRADDIN
Wasu ɓatagari sun kutsa kai cikin gidan Kakakin Majalisar Wakilai ta Amurka, Nancy Pelosi, inda su ka jikkata mijinta, Paul Pelosi, wanda ya samu muggan raunuka.
Ofishin Pelosi ɗin ne ya fitar da sanarwar a yau Juma’a.
Ƙarin ƙasashe biyar sun bayyana fargabar harin ta’addanci a Abuja
Sanarwar ta ce “An tsare wanda ya kai harin kuma ana bincike kan dalilin da ya sa ya kai harin.”
“ An garzaya da Pelosi asibiti, inda yake samun kyakkyawar kulawar jinya kuma ana sa ran zai samu cikakkiyar lafiya.”
Jaridar daily Nigerian ta rawaito cewa Kakakin Majalisar ƴar jam’iyyar Democratic, wanda ke matsayin ta biyu a tsarin shugabancin Amurka, ba ta gida a lokacin da aka kai harin da sanyin safiyar yau Juma’a.
A watan Mayu a ka kama Paul Pelosi, mai shekaru 82 da laifin tuki cikin maye bayan, lamarin da ya haifar masa da yin hatsarin mota. An yanke masa hukuncin daurin kwanaki biyar a gidan yari a gundumar Napa da ke California.
Pelosi ne mamallakin wani katafaren rukunin gidaje da kuma babban kamfani na San Francisco.
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
