An Cafke Fasto Kan Damfarar Abokin Kasuwancinsa

DAGA YASIR SANI ABDULLAHI 

Hukumar Tsaro ta Sibil Difens (NSCDC) ta cafke wani fasto kan damfarar wani mai a harkar hakar ma’adinai a Jihar Kogi.

Mataimakin Babban Kwamandan NSCDC, Ahmad Ahmad Ghandi, ya ce dubun Fasto Chimezie ta cika ne bayan da ya karbi kudin wani abokin kasuwancina, ya yi gaban kansa da su.

NNPC ya Ƙaryata Raɗe-Raɗin Ƙarin Farashin Mai

Ghanid ya bayyana cewa, Fastor Chimezie ya karbi Naira miliyan daya ne daga hannun abokin kasuwancin nasa mai suna AbdulBanu da cewa zai zuba masa jari a harkar hakar kwal, amma a babu abin da ya yi na zuba jarin, kuma bai dawo da kudin ba.

Aminiya ta ruwaito cewa Hukumar ta yi holen faston ne a tare da wasu mutum biyu da aka kama kan zargin damfara.

Na farkon an kama shi ne kan damfarar Naira miliyan biyu, da ya karba daga hannun wani mai neman aiki a Hukumar Kula da Lafiyar Teku (NIMASA), sannan ya ba shi takardar daukar aikin hukumar ta bogi.

Na ukun kuma kudin wata mata da suka yi cinikin motarsa ya karba, Naira miliya 1.7, amma daga karshe ya ki ba ta motar kuma ya rike kudin.

Jami’in ya ce bayan samun korafe-korafe da gudanar da bincike ne hukumar ta cafko wadanda ake zargin a wurare daban-daban a jihar.

A wani labarin kuma NNPC ya Ƙaryata Raɗe-Raɗin Ƙarin Farashin Mai

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu