Yadda Ƴan bindiga suka kai wa kauyukan da suka kasa biyan harajin naira miliyan 20

DAGA YASIR SANI ABDULLAHI

‘Yan bindiga karkashin jagorancin shahararren dan bindiga Daminan sun kashe mutum 10 a kauyen Kwanar Dutse a jihar Zamfara.

Daminan tare da dakarun sa sun kai wa kauyen hari ranar Laraba da misalin karfe hudu na yamma dalilin kin biyan sa harajin naira miliyan 20 da ya saka musu su biya.

Muhimmancin sada zumunci – Malam Jafar

Kauyen Kwanar Dutse dake masarautar Dansadau a karamar hukumar Maru na daga cikin kauyukan dake yawan fama da hare-haren ‘yan bindiga a jihar Zamfara.

Wani mazaunin kauyen ya shaida wa PREMIUM TIMES cewa maharan sun shigo kauyen su bayan sallar Ishai.

“Muna zaune muna hira a gaban masallaci sai maharan suka shigo suna harbi ta ko ina, sai dai ‘yan banga sun yi kokarin dakile harin sai dai hakan ai yiwu musu ba saboda karfin makaman ƴan bindigan.

“Na gudu na boye a gida inda a nan ne na samu mafaka.

‘Yan bindiga sun kona wasu gidaje da shaguna a kauyen.

Wani dagace a kauyen ya ce wuani dan uwan sa na daga cikin mutanen da maharan suka kashe a kauyen.

Daga nan wani mazaunin kauyen da baya so a fadi sunnan sa saboda tsaro ya ce gidan sa na cike da ‘yan gudun hijira daga Kwanar Dutse.

“Mutane daga kauyukan Malele, Ruwan Tofa, Mutunji da Kwana da mazauna kauyukan Arewacin Dansadau na cikin tsaka mai wuya.

“Maharan na yawan saka wa kauyuka harajin dole sannan idan suka basu iya biya ba sai su shigo su kashe su kamar dabbobi.

A wani labarin kuma Muhimmancin sada zumunci – Malam Jafar

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu