Labarai
Wata mata ta yi yunƙurin sayar da ‘ya’yanta biyu kan N1.8m saboda tsadar rayuwa

DAGA NUSAIBA ABDULLAHI TUKUNTAWA
Gwamnatin Jihar Anambra ta cafke wata mata a jihar wadda ta yi yunkurin siyar da wasu ‘ya’yanta biyu maza daga cikin ‘ya’ya 11 da take da su.
Chinyere Chukwu wadda ‘yar asalin yankin Karamar Hukumar Ihiala ce a jihar, ta fada a komar hukuma ne ta hannun Ma’aikatar Harkokin Mata da Walwala ta Jihar.
Rahotanni na nuni da cewa matar ta hada baki ne da daya daga cikin ‘ya’yanta mata mai shekara 17 a kan su siyar da biyu daga cikin ‘ya’yan “saboda tsadar rayuwar da ake fama da ita a kasa.”
Chukwu ta shaida wa hukuma cewa, ta shirya sayar da ‘ya’yan nata ne bayan da ta ga cewa ta gaza daukar dawainiyarsu.
Ta ce, “Tun da yaran maza ne na yi nufin sayar da kowannensu ne kan farashi Naira miliyan 1, amma daga bisani muka tike a kan miliyan N1.8 su biyun maimakon miliyan N2.”
Kwamishinan Harkokin Mata ta Jihar, Ify Obinabo ce ta jagoranci jami’an tsaro zuwa damko matar da ake zargin a ranar Talata.
Daga bisani Obinabo ta bada umarnin akwashi ragowar ‘ya’yan zuwa karkashin kulawar gwamnatin jihar domin ba su kulawa yadda ya kamata.
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
