Hukumar Kwastam sun tattara Naira tiriliyan 1 a wata ukun farkon shekara 2024.

DAGA YASIR SANI ABDULLAHI 

Hukumar hana fasa kwauri ta Nijeriya Kwastam (NCS) tace ta tara Naira Tiriliyan 1.3 a wata ukun farko na shekarar 2024 (Q1 2024), a cewar Kwanturola Janar din ta, Adewale Adeniyi.

Ya kuma ce hakan ba ya rasa nasaba da kwazon jami’an hukumar da hadin gwiwa da masu ruwa da tsaki, ba ya ga dakile fasa kwaurin da kuma inganta harkokin kasuwanci.

Gwamnatin Jihar Kano Ta Haramta Dukkan Fina-finan Dake Nuna Fadan Daba Da Harkar Daudu A Fadin Jahar

Da ya ke jawabi ga manema labarai a Abuja kan ayyukan hukumar, kwanturolan ya ce hakan ya nuna karuwar kashi 122.35 cikin 100 wanda ya zarce na shekarar 2023 inda hukumar ta samu N606.1billion.

A cikin wata ukun farkon wannan shekara hukumar NCS ta yi rawar gani wajen tattara kudaden shiga da jimillar kudaden da aka tattara a wannan lokacin sun kai NGN 1,347,675,608,972.75.

Kwantirolan ya jinjina wa jami’an hukumar bisa namijin kokarin da suka yi, ya kuma kara musu karfin gwiwa domin ci gaba da gudanar da ayyukan su yadda ya kamata.