Ba Gaskiya Ba’ Ne Cewa Za’a Daina Amfani  Da  Tsofaffin Takardun Kuɗi Cewar  – Bankin CBN 

DAGA YASIR SANI ABDULLAHI 

Babban bankin Kasa CBN ya ce ba gaskiya bane akan rade radin da ake ta yadawa cewa bankin zai daina amsar wasu daga cikin takardun  kuɗi na Naira.

CBN, ya ce  ba za a  daina amfani da tsaffin takardun kudi na naira 1000 da 500 da 200 ba kamar Yadda wasu ke yadawa ba

Cikin  wata sanarwa da bankin ya fitar, wanda muƙaddashin daraktan hulɗa da jama’a na bankin Sidi Ali Hakama ya fitar, ya ce labarin da ake yaɗawa kan wa’adin amfani da tsaffin takardun kuɗin ba gaskiya ba ne.

Bankin ya kuma yi kira ga jama’a da su yi watsi da raɗe-raɗin da ake yaɗawa na cewa daga ranar 31 ga watan Disamban nan za a daina amfani da tsaffin kuɗin.

Gidan Radio Premier ya rawaito Hukuncin da Kotun Ƙolin kasar nan ta yanke a ranar 29 ga Nuwamban 2023, ta amince a ci gaba da amfani da sababbi da tsofaffin takardun kuɗaɗen naira.