News
Kotu Ta Yankewa Masu Garkuwa Da Mutane Hudu Hukuncin Kisa Ta Hanyar Rataya
Wata kotu ta musamman kan laifukan satar mutane da ayyukan ƙungiyoyin asiri a birnin Benin na jihar Edo, ta yankewa wasu masu garkuwa da mutane su huɗu hukuncin kisa ta hanyar rataya ko kuma ta hanyar yin allura.
Waɗanda aka yankewa hukuncin sun haɗar da Marvelous Isaac, Gift Raphael, Wisdom Michael, da kuma Rufus Michael an gurfanar da su ne gaban kotun bisa tuhume-tuhume 11, da suka ƙunshi ayyukan garkuwa da mutane, fashi da makami, mallakar bindigu da sauran laifuka.
Kotun ƙarƙashin Mai Shari’a Aigbona Terry Momodu, ta ce ɓangaren masu ƙara sun gamsar da kotun da ƙwararan hujjoji kan waɗanda ake zargi, saboda haka ta yanke musu hukuncin kisa ta hanyar rataya ko kuma yin allura.
Rahotanni sun bayyana cewa waɗanda aka yankewa hukuncin sun yi garkuwa da wata mata ne a Kasuwar Kayan Lambu da ke kan titin zuwa Filin Jirgi a birnin na Benin, amman mijinta ya samu nasarar kuɓuta daga hannunsu.
CHANNELSTV ta ruwaito cewa biyo bayan faruwar lamarin Kasuwar Kayan Lambun, Gwamna Monday Okpebholo na jihar, ya kafa kotu ta musamman da za ta dinga hukunci kan ayyukan satar mutane da na ƙungiyoyin asiri.
Gwamnatin Kebbi Ta Amince Da Biyan N75,000 A Matsayin Karin Albashi Ga Malamai 17,620
Jami’an Ƴansanda Sun Kama Wani Mutum Kan Zargin Kona Gidan Yayansa A Jigawa
Jami’an Yansandan Sun Kama Mutum 13 Da Ake Zargin ‘Yan Kungiyar Asiri Ne A Anambra
EFCC Ta Ƙarfafa Haɗin Gwiwa Da Matashiya TV Wajen Yaƙi Da Laifukan Tattalin Arziki
Wani Yaro Mai Shekara 9 Ya Ƙona Gidan Mahaifinsa Bayan An Zarge Shi Da Satar Kaza A Yobe
HAWAN DABA DA KILISA :Gwamnatin Kano Ta Ce Ba Za Ta Lamunci Kalaman Tada Zaune Tsaye Ba
An Yi Garkuwa Da Fiye Da Mutum 80 A Cikin Mako Biyu A Arewacin Nijeriya — Rahoto
Kunkurun Fadar Alaafin Na Oyo Mai Shekaru 420 Ya Mutu
Na Shiga Siyasa Ne Domin Yi Wa Al’umma Hidima —Tsohon IGP Suleiman Abba
