Connect with us

Labarai

DSS Ta Roƙi Kotu Ta Ci Tarar SERAP Naira Miliyan 100

Published

on

Dss
Advertisements
WhatsApp Image 2026 11 04 at 12.03.38 AM

Hukumar Tsaro ta Farin Kaya (DSS) ta roƙi Kotun Ɗaukaka Ƙara da ke Abuja da ta tabbatar da hukuncin tarar Naira miliyan 100 da aka yanke wa ƙungiyar kare haƙƙin bil’adama ta SERAP bisa zargin ɓata sunan jami’anta biyu.

DSS ta gabatar da buƙatar ne a gaban kotun yayin da SERAP ke ƙalubalantar hukuncin da Babbar Kotun Babban Birnin Tarayya (FCT) ta yanke mata.

Shekaru 50 Da Kafuwa: Tsofaffin Ɗaliban GSS Dawakin Kudu Sun Ƙaddamar Da Littafin Tarihi Da Asusun Tallafi

A nata ɓangaren, SERAP ta roƙi Kotun Ɗaukaka Ƙarar da ta soke hukuncin, tana mai neman a yi watsi da tarar da aka kakaba mata.

Kotun ta tanadi hukunci bayan sauraron ƙorafe-ƙorafen ɓangarorin biyu, inda za ta sanar da ranar yanke hukuncin nan gaba.

Tun da farko, Babbar Kotun Babban Birnin Tarayya da ke Abuja ta samu SERAP da laifin ɓata sunan jami’an DSS biyu da suka kai ziyara ofishin ƙungiyar a ranar 9 ga Satumba, 2024.

Advertisement

Ƙungiyar ta yi zargin cewa jami’an sun mamaye ofishinta a lokacin ziyarar, lamarin da ya haifar da takaddama tsakanin ɓangarorin biyu.

Kotun ta kuma umarci SERAP da ta biya tarar Naira miliyan 100 tare da wallafa takardar neman afuwa ga DSS a bainar jama’a bisa hukuncin da ta yanke.

Sai dai SERAP ta ƙalubalanci hukuncin a Kotun Ɗaukaka Ƙara, yayin da DSS ke neman kotun ta tabbatar da hukuncin da aka yanke tun farko.

 

 

DAILY TRUST 

Advertisement

Advertisements
Advertisement
Click to comment

Leave a Reply

Your email address will not be published. Required fields are marked *

Trending