Labarai
Buhari ya kinkimo bashin tiriliyan N3 duk da tiriliyan N45 da ake bin gwamnatinsa

DAGA MUHAMMAD MUHAMMAD ZAHRADDIN
Gwamnatin Nijeriya ƙarƙashin jagorancin Muhammadu Buhari ta sake kinkimo bashin Dalar Amurka biliyan $9 daidai da Naira tiriliyan 3.98 daga Bankin Duniya.
Daraktan Bankin Duniya a Nijeriya, Shubham Chaudhuri ne ya bayyana haka a wajen taron da ya shirya a Abuja a ranar Alhamis da ta gabata.
Shubham Chaudhuri ya ce, zaman Bankin Duniya a Nijeriya ba shi da burin da ya wuci taimaka wa ƙasar ficewa daga ƙangin talaucin da take ciki da kuma inganta rayuwar al’ummarta.
A baya, jaridar Intel Region ta rawaito cewar, bashin da ake bin Nijeriya ya ƙaru zuwa Naira tiriliyan N45.8 ($103 billion) a gaɓar farko ta 2022.
A cewar Bankin Duniyar, a cikin watanni 30 da suka gabata ya samar wa Nijeriya kuɗi sama da Dala biliyan 9 da ruwa mai sauƙi.
Ya ƙara da cewa, waɗannan kuɗaɗe ba tallafi ba ne; bashi ne mai rangwame sosai.
haka nan, ya ce ya kamata a kalle su a matsayin amintattun abokan tarayya, kuma “Duk abin da za mu iya yi don taimakawa Nijeriya, za mu yi,” in ji Bankin.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
