Labarai
Na girgiza dajin mutuwar dan Jarida cewar Dapo Abiodun

Gwamnan jihar Ogun, Dapo Abiodun, ya bayyana alhininsa kan rasuwar gogaggen dan jarida kuma mawallafin mujallar The Digest, Henry Ojoye.
Abiodun, a wata sanarwa da babban sakataren yada labaran sa, Kunle Somorin, ya fitar a ranar Laraba, ya bayyana mutuwar Ojoye a matsayin abin ban tsoro da raɗaɗi.
Iyaye Da Kungiyar Malaman Jami’o’in Najeriya Ta Yi Watsi Da Karin Kudin Makaranta
Marigayin dan jaridar ya rasu ne da yammacin ranar Litinin bayan da ya fado a cikin babur bayan ya taso daga Sagamu zuwa garin Ikenne.
Ya rasu yana da shekaru 62.
Gwamnan, a cikin sanarwar ta’aziyyar, ya jajantawa kungiyar ‘yan jarida ta Najeriya (NUJ) ta jihar Ogun da kuma iyalan marigayin, inda ya bayyana cewa labarin mutuwar Ojoye ya same shi.
A cewarsa, Ogun da Najeriya sun rasa daya daga cikin fitattun ‘yan jarida, inda ya ce za a yi kewar sa sosai.
Ya ce duk da cewa marigayin dan jaridan ya rayu tsawon shekaru 62, gudummawar da ya bayar a fannin alkalami ba zai gushe ba.
Abiodun, wanda ya yi addu’ar Allah ya jikan marigayin, ya kuma yi addu’ar Allah ya baiwa iyalansa da kungiyar NUJ ta Ogun hakurin jure rashin da ba za a iya kwatantawa ba.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
