2024: Sarkin Kudan Ya Taya Sarkin Zazzau Murnar Sabuwar Shekara 

DAGA KABIRU BASIRU FULATAN

Sarkin kudan Alhaji Muhammad Bello Haladu ya Taya Mai Martaba sarkin Zazzau Kuma shugaban majalisar sarakunan jihar Kaduna, Ambassador Ahmad Nuhu Bamalli CFR murnar shiga Sabuwar Shekarar 2024.

A sakon nasa Sarkin kudan Muhammad Bello Haladu ya Taya gwamnan jihar Kaduna Sanata Uba sani murnar shiga Sabuwar Shekarar Miladiyya, tare da Fatan samun nasara Da Kuma Dauki daga Allah madaukakin sarki.

Dukkan MDs ya kamata su bi sahun Manajan Darakta na Hukumar Yawon shakatawa wajan inganta ma’aikatansu – Mataimakin Gwamnan Jihar Kano

Hakan na kunshe ne acikin wata sanarwa da wakilin yada labaran Masarautar Kudan, Yusuf Ibrahim Kudan ya fitar a ranar Lahadi, 31 ga watan Disamba, 2023.

Sarki Haladu Har ilayau ya Kuma Yaba da Irin salon jagorancin Mai Martaba sarki Gami da jajircewarsa, wanda ya samo asali da Irin kwarewa da yake da ita na tafiyar da Masarautar Zazzau Zuwa ga Babban Matsayi.

Sarkin ya kuma jinjinawa Hakimin kudan, Tukuran Zazzau, Alhaji Halliru Mamuda da Kuma na Hunkuyi, Mayanan Arewan Zazzau, Alhaji Muhammad Aminu Ashiru saboda kokarinsu da jajircewarsu na ganin yankunan nasu sun samu ci Gaba.

Daga bisani sarkin ya Kuma ja hankalin Al’ummar yankin dasu hada kai da juna domin Ciyar da yankin Gaba.

A cewarsa “Babu wata cigaba da Za a iya samu ba tare da nuna kauna, Hadin Kai da zaman lafiya da juna ba”.

A wani labarin kuma Dukkan MDs ya kamata su bi sahun Manajan Darakta na Hukumar Yawon shakatawa wajan inganta ma’aikatansu – Mataimakin Gwamnan Jihar Kano

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu