Ya Kashe Limami Saboda Ya Hana Su Shan Wiwi A Kusa Da Masallaci A Kan

DAGA YASIR SANI ABDULLAHI

‘Yansanda sun kama Yusuf Haruna wanda aka fi sani da Lagwatsani, dan shekaru 18, da laifin kisan wani limamin Masallaci mai suna Sani Mohammed Shuaibu saboda ya hana su shan wiwi a kusa da Masallaci.

Leadership ta ruwaito cewa Yusuf ya daba wa limamin wuka lokacin da yake alwala, lamarin da ya yi sanadiyar mutuwarsa.

Dattijuwar Kaza mafi tsufa a duniya ta mutu tana da shekara 21

Kwamishinan ‘yansandan jihar, CP Mohammed Usaini Gumel, ya tabbatar wa da jama’a kudurin rundunar na gudanar da cikakken bincike kan lamarin.

Gumel ya yi wa jama’ar jihar godiya kan irin goyon bayan da suke bai wa rundunar.

Ya kuma bukaci jama’a da suke kai rahoton faruwar laifuka ofishin ‘yan sanda mafi kusa da su.

Kwamishinan ya jaddada muhimmancin hadin gwiwa wajen tabbatar da doka da oda a jihar.

Sannan ya ce da zarar sun kammala bincike za su gurfanar da wanda ake zargi a gaban kuliya.

A Wani labarin kuma Dattijuwar Kaza mafi tsufa a duniya ta mutu tana da shekara 21

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu