Gwamnatin Tarayya Za Ta Kaddamar Da Kwamiti Don Binciko Digirin Bogi

DAGA YASIR SANI ABDULLAHI

A yau Talata ne gwamnatin tarayya za ta kafa wani kwamiti na ma’aikatu domin binciken ayyukan digirin bogi.

Daraktan yada labarai da hulda da jama’a na ma’aikatar ilimi ta tarayya, Ben Goong, wanda ya bayyana hakan a wata sanarwa da ya aikewa manema labarai a Abuja, ya ce za a kaddamar da kwamitin ne da karfe 2 na rana a ranar Laraba.

An ci tarar Gombe United miliyoyi tare da zabtare mata maki uku

LEADERSHIP ta rawaito cewa, batun da ya da baibaye ‘digirin bogi’ ya sake fitowa fili ne bayan wani rahoton bincike da wani dan jarida mai suna Umar Audu ya yi, inda ya bayyana yadda ya samu digiri a cikin makonni shida har ma ya shiga cikin shirin masu yi wa kasa hidima (NYSC).

Goong ya ce, “Ministan ilimi, Farfesa Tahir Mamman, a yammacin yau, zai kaddamar da kwamitin ma’aikatu don tattauna batun digirin bogi”

A wani labarin kuma An ci tarar Gombe United miliyoyi tare da zabtare mata maki uku

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu