Labarai
Fasinjojin Sun Tsallake Rijiya Da Baya, Bayan Jirgin Saman Da Suka Hau Ya Shige Cikin Jeji Da Su A Legas.

DAGA YASIR SANI ABDULLAHI
Fasinjojin sun tsallake rijiya da baya, bayan jirgin saman da suka hau ya shige cikin jeji da su a Jihar Legas.
A yayin da ake ruwan sama ne wani jirgin fasinja jirgin mallakin kamfanin Dana Air ya zame daga kan titinsa a filin jirgi na Murtala Muhammad da ke Legas, sannan ya ci kasa a cikin jeji.
Mutum 10 Sun Mutu A Lokacin Da Wasu Jirage Masu Saukar Ungulu Su Kayi Karo Da Juna
Hakan ya sa fasinjojin ficewa cikin gaggawa don tsira da rayuwarsu da kuma guje wa abin da ke iya biyowa baya.
Bidiyon abin da ya faru da fasinjojin suka ɗauka bayan sun tsallake rijiya da baya ya nuna tayar gaban jirgin ta nuntse a kasa a cikin ciyayi.
Zuwa lokacin hada wannan labari dai hukumomi ko kamfanin Dana Air ba su ce komai kan lamarin ba.
Haka zalika babu bayanin ko wani ya samu rauni ko kuma asarar rai ba.
Aminiya
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
