Labarai
Siyasa Ta Shiga Hukumar Karbar Korafe-Korafe Da Yaki Da Rashawa Ta Jihar Kano – Shekarau

DAGA YASIR SANI ABDULLAHI
Tsohon gwamnan jihar Kano Mallam Ibrahim Shekarau ya soki gwamnatocin da suka biyo bayansa akan siyasantar da ukan wasu ma’aikatun gwamnati masu mahinmanci.
Ya bayanawa Arewa Radiyo hakan yayin wata tattaunawa kai tsaye.
A cewarsa daya daga cikin ma’aikatun su ne hukumar karbar korafe-korafe ta jahar Kano wadda aka karkatar da akalar makasudin kafuwarta zuwa musgunawa ta siyasa a jahar.
Bamu Gamsu Da Sharrudan Bada Lamunin Karatu Ga ‘Yan Najeriya Ba —Malam Ibrahim Shekarau
Shekarau wanda ya kafa hukumar a zamanin mulkinsa ya bayana cewar dalilin kafa hukumar ya samu nakasu daga wasu ‘yan siyasa.
“Abun da muka maida hankali shine a tarbiyantar da mutane su daina zalinci, ina murna hukumar ta yi karfi harma hana samun manyan ‘kyasa-‘kyasai da ake kaiwa duk da dai gaskiya an bari siyasa ta shiga ciki domin duk dambarwar da akeyi kullum shugabanni ana rigima da su kan ko Gwamna ko Sarki bai kamata ba duk wannan bai taso ba, mun kafa wannan hukuma ne domin a samar da masalaha a tsakanin mutane” Inji Shekarau.
Hakazalika ya bayana damuwa akan yadda nadin mukamai da kuma aiyukan hukumar Hisbah shi ma aka siyasantar da shi domin biyan bukatar wasu ‘yan siyasan jahar.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
