Labarai
Gwamnatin Kano Ta Jaddada Kudirin Magance Matsalar Karancin Ruwan Sha

Gwamnatin Jihar Kano ta sake jaddada kudirinta na shawo kan matsalar karancin ruwan sha da ke addabar wasu yankunan jihar.
Kwamishinan Ruwa na Jihar Kano, Alhaji Haruna Doguwa, ne ya bayyana hakan a lokacin wata ziyarar duba aikin da ya kai a matatar ruwan Joda, da ke Karamar Hukumar Gabasawa.
A cewar Kwamishinan, gwamnati ta samar da sabon injin tura ruwa daga madatsar zuwa kananan hukumomin Gabasawa da Gezawa, da kuma wasu sassan unguwannin Nasarawa da ‘Yan Kaba.
Doguwa ya ce wannan mataki wani bangare ne na kokarin gwamnatin jihar na tabbatar da wadataccen ruwan sha ga al’ummar da abin ya shafa.
“Hukumar samar da ruwa a jihar tana ci gaba da gyare-gyare a sauran matatun ruwa domin kara inganta rabon ruwa ga jama’a,” in ji shi.
Kwamishinan ya kuma tabbatar wa da mazauna yankunan da suka fi fuskantar matsalar cewa nan bada jimawa ba za su fara jin sauyi wajen samun ruwan sha mai tsafta.
Sanarwar hakan ta fito ne daga bakin Jami’in Hulda da Jama’a na Yankin Gezawa, Jamilu Mustapha Yakasai, a ranar Talata.
Doguwa ya ce gwamnatin Kano karkashin Gwamna Abba Kabir Yusuf na daukar wannan aiki da matukar muhimmanci domin saukaka wa jama’a rayuwa da kuma inganta lafiyar su.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
