News
Kwamishinan Sufuri Na Kano Ya Janye Daga Karbar Belin Wanda Ake Zargi Safarar Miyagun Kwayoyi
Kwamishinan Sufuri na jihar Kano, Alhaji Ibrahim Namadi, ya janye matsayin da ya dauka na tsayawa beli ga wani da ake zargi da safarar miyagun kwayoyi a gaban kotu.
Sanarwar hakan na kunshe ne a wata takarda da mai taimaka masa na musamman kan harkokin yada labarai, Abdullatif Auta, ya fitar a ranar Juma’a.
A cewar sanarwar, Kwamishina Namadi ya rubuta wa kotu wasika yana bayyana aniyarsa ta janye belin da ya tsaya wa Sulaiman Aminu Danwawu, wanda Hukumar NDLEA ke tuhuma da laifin safarar miyagun kwayoyi.
Kwamishinan ya ce ya dauki matakin janye belin ne saboda dalilai na kashin kai da kuma bukatar kare mutuncinsa da martabar ofishin da yake rike da shi.
Ya ce lokacin da ya tsaya wa Danwawu beli, ya yi hakan ne saboda alakar jini da ke tsakaninsu da kuma jin kai, amma ba saboda yana marawa baya ayyukan da ake tuhuma da su ba.
“Bai kamata a dauki matakin da na dauka a matsayin goyon bayan safarar miyagun kwayoyi ba. Ni a shirye nake in mara baya ga duk wani kokari na gwamnati wajen yaki da shan kwayoyi da dawo da mutunci da tsaro a cikin al’umma,” in ji Kwamishina Namadi.
Ya kara da cewa yana da cikakken biyayya ga Gwamnan Kano, Alhaji Abba Kabir Yusuf, da gwamnatin jihar baki daya, tare da tabbatar da cewa zai ci gaba da bayar da hadin kai wajen dakile matsalar shan kwayoyi a jihar.
Kwankwaso Ya Ce Bai Yanke Shawara Kan Makomar Siyasarsa Ba Har Yanzu
Gwamnatin Tarayya Ta Ci Gaba Da Aikin Titin Kano-Gwarzo-Dayi Sakamakon Biyan Diyya Da Gwamnatin Abba Ta Yi
Kamfanonin Bada Bashi Ne Suka Cire N1.5bn Daga Albashin Ma’aikatan Kano — SSG
Yaro Dan Shekara 3 Ya Faɗa Cikin Wata Rijiya Mai Zurfin Mita 18
An hallaka jagoran ’yan bindiga da wasu ɓarayi 4 a Zamfara
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
WAI ME GARO YA YI NE?
Wata Motar Jigilar Fasinja Mai Amfani Da CNG Ta fashe A Kaduna
