Labarai
Kotu ta umarci a zare ₦300,000 daga asusun kakakin ƴan sandan Kano

Daga Hamza Yusuf Abdulmumin
babbar Kotun tarayya da ke Kano ta bada umarnin a cire Naira dubu ɗari uku da aka samu a asusun banki na mai magana da yawun ƴan sandan Kano SP. Abdullahi Haruna Kiyawa.
Kotun ta ce, idan aka cire kuɗin za a a biya wani matashi Bashir Bashir Galadanci da su.
A shekarar da ta gabata ne Kotun ta umarci Abdullahi Kiyawa da ya biya Galadanci diyyar naira miliyan guda sannan ya shiga kafafen yaɗa labarai ya nemi afuwarsa, saboda ɓata masa suna da yayi.
Sai dai har yanzu Kiyawan bai cika waɗannan umarni ba, abin da ya sanya Galadanci ya sake komawa Kotun inda ta umarci a bincikin asusun bankin Kiyawan, inda aka samu dubu ɗari ukun.
INDARANKA ta so jin ta bakin SP. Kiyawa amma har kawo lokacin da muke haɗa wannan rahoto haƙanmu bai cimma ruwa ba.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai6 days ago
An Kashe Mutane 418, An Yi Garkuwa Da 227 Cikin Watanni Biyu A Nijeriya — Rundunar Ƴansanda
